Финансиите на Манчестер Јунајтед повторно се најдоа под критика на нивните навивачи по веста дека клубот минатата година имал загуба од 108.9 милиони фунти.

Оваа загуба е пријавена од Red Football Joint Venture, главната компанија на семејството Глејзер чија сопственост е клубот од Олд Трафорд. Најголемиот дел од загубата е поради новата емисија на акции вредна 526 милиони фунти со која се заменија банкарските долгови на Манчестер Јунајтед.

Свој удел во загубата има и слабата продажба на играчи, посебно во споредба со претходната година во која клубот го продаде Кристијано Роналдо за фантастични 80 милиони фунти. Таа продажба беше и главната причина поради која Јунајтед во 2009. година пријави профит од 21 милион фунти.

Рекордот за најголема загуба на еден клуб во една година се уште го држи Челзи со своите 132 милиони фунти во минус од 2005. година.